كات و شوێنی بەڕێوەچوونی سێیەمین كۆڕبەندی پەروەردەیی كوردستان دیاریكرا

ئاڤا نیوز

سێیەمین کۆڕبەندی پەروەردەیی کوردستان بەڕێوەدەچێت، ئەمساڵ سەرنجەکان لەسەر فێربوونی دیجیتاڵی و کاریگەری زیرەکی دەستکردە بەسەر بواری پەروەردە.

 

چیرۆکی سەرەکی: کۆڕبەندی پەروەردەیی کوردستان 'KEF'، ساڵانە لەلایەن وەزارەتی پەروەردەی حکومەتی هەرێمی کوردستانەوە ڕێکدەخرێت، ئەمساڵ کۆپی سێیەمی کۆڕبەندەکە، لە مانگی ئاب لە شاری هەولێری پایتەخت، بەناونیشانی (فێربوونی دیجیتاڵی کارلێککارانە و زیرەکی دەستکرد لە پەروەردە) ساز دەکرێت.

 

ڕاگەیێنراوی فەرمی: لیژنەی ئامادەکاریی کۆڕبەندی پەروەردەیی کوردستان سەر بە وەزارەتی پەروەردە، داوا لە سەرجەم ئەو ئەکادیمیست و پەروەردەکارانە دەکات کە مەبەستیانە وەک پانێڵیست بەشداری کۆڕبەندەکە بکەن، دەتوانن لەڕێگەی ئیمێڵێک کە لە ئاڤا نیوزەوە دانراوە، توێژینەوەکانیان پێشکەش بکەن؛ دوای هەڵسەنگاندنی توێژینەوەکان، بڕیار لە بەشداربووان دەدرێت.

 

ئەوەی پێویستە بیزانیت: توێژەرانی بەشداربوو، پێویستە توێژینەوەکانیان لە 20 لاپەڕە زیاتر نەبێت و بەهەردوو فۆرماتی وۆرد و پی دی ئێف، بۆ ئیمێڵی فەرمی کۆڕبەندەکە بینێرن، هاوکات پوختەیەک لە ژیاننامە و ئەزوومنی پیشەیی خۆیان هاوپێچ بکەن، وەرگرتنی توێژینەوەکانیش بە یەکێک یاخود هەر سێ زمانی (کوردی، عەرەبی و ئینگلیزی) دەبێت.