ئەمریکا: دەکرێت دۆخی ڕۆژهەڵاتی ناوەڕاست بەخێرایی بگۆڕدرێت

ئاڤا نیوز

 

دوای هۆشداریی ئەمریکا بۆ هاووڵاتییانی لە ڕۆژهەڵاتی ناوەڕاست و بە دیاریکراوی عێراق، ئیسرائیل هێرشێکی بەرفراوانی بۆ سەر دامەزراوە ئەتۆمییەکانی ئێران دەستپێکرد. 

 

وێنە گەورەکە: ئەمریکا ماوەی دوو ڕۆژە هۆشداریی دەدات بە هاووڵاتییانی کە سەردانی عێراق و ناوچەکە نەکەن و دواشیکردووە کە گەر هاتوو هەر ئەمریکییەک ناچاربوو گەشت بۆ ئەو ناوچانە بکات، پێویستە چەند ڕێککارێکی ئەمنیی تایبەت بگرێتە بەر و نمونەی خوێنەکەی لەلای دکتۆرەکەی جێبهڵێت بۆ ئەوەی لەکاتی هەر ڕووداوێکی نەخوازراودا بتوانرێت بدۆزرێتەوە. 

 

چیرۆکی سەرەکی: بەرەبەیانی ئەمڕۆ هەینی ئیسرائیل هێرشێکی بەرفراوانی کرد سەر دامەزراوە ئەتۆمییەکانی ئێران و ماڵی چەندین سەرکردەی سوپای پاسدارانیشی بە ئامانج گرت کە بەهۆیەوە حوسێن سەلامی، فەرماندەی گشتیی سوپای پاسداران و جەنەراڵ غوڵام عەلی رەشید، فەرماندە قەرارگای ناوەندیی خاتەمول ئەمبیا، د.محەممەد مەهدی تهرانچی، سەرۆکی زانکۆی ئازاد و  د.فەرەیدوون عەباسی، سەرۆکی پێشووتری رێکخراوی وزەی ئەتۆمی ئێران، عەلی شەمخانی، ڕاوێژکاری باڵای خامنەیی کوژراون. 

ڕاگەیێنراوی فەرمی: وەزارەتی دەرەوەی ئەمریکا هۆشداریی خۆی بۆ هاووڵاتیانی ئەمریکا لە ولاتانی ڕۆژهەڵاتی ناوەڕاست دوپات دەکاتەوە و داوایان لێدەکات وریا بن و چاودێریی هەواڵەکان بکەن.

- لە ڕاگەیێنراوێکی وەزارەتی دەرەوەدا هۆشداری دراوە لەوەی دۆخە ئەمنییەکە ناسەقامگیرە و ئەگەری خراپتربوونیشی هەیە.

 

وەزارەتی دەرەوەی ئەمریکا: "بە هۆی بەرزیی گرژییەکانی ڕۆژهەڵاتی ناوەڕاستەوە، کەشی ئەمنیبە ئاڵۆزیی ماوەتەوە و دەشکرێت بە خێرایی بگۆڕدرێت. ئێمە ئەوە بە بیری هاووڵاتیانی ئەمریکی لە ئیسرائیل و ناوچەکە دێنینەوە کە پێویستە بەردەوام بە ئاگا بن و هانیان دەدەین چاودێریی هەواڵەکان بکەن بۆ پێشهاتە نوێیەکان."