توێژینەوەیەک: زۆر دانیشتن ئەگەری مردن زیاتر دەكات

ئاڤا نیوز

 

لە زانكۆی كالیفۆرنیا توێژینەوەیەکی نوێ کراوە و ئاشکرای کردووە ئەو كەسانەی زۆر دادەنیشن، ئەگەری مردنیان زیاترە. 
 
وێنە گەورەكە: بەشێكی زۆری هاووڵاتیان بەهۆی كارەكانیانەوە ناچارن ڕۆژانە چەندین كاتژمێر دابنیشن و جوڵەیان کەم بێت، ئەمەش مەترسی لەسەر تەندروستییان دروست دەكات.

 

بڵاوکراوەی فەرمی: بۆ ئەنجامدانی توێژینەوەیەکە داوا لە پێنج هەزار و 856 بەشداربوو کرا کە تەمەنیان لە نێوان 63 بۆ 99 ساڵ بوو بەشداری بکەن؛ توێژەران بۆ ماوەی دە ساڵ بەدواداچوونیان کرد و لەو ماوەیەدا هەزار و 733 بەشداربوو گیانیان لەدەست دا، ئەو توێژەرانە زیرەکیی دەستکردیان بەکارهێنا بۆ ئەوەی بزانن بەشداربووان چەند کاتیان بە دانیشتن بەسەر بردووە، پاشان ئەمەیان بە مەترسیی مردنەوە بەستەوە.

 

زانیاریی زیاتر: لە ماوەی توێژینەوەکەدا، ئەو بەشداربووانەی کە ڕۆژانە زیاتر لە 11 کاتژمێر دانیشتوون، ئەگەری مردنیان بە ڕێژەی 57% زیاتر بووە بەراورد بەو کەسانەی کە ڕۆژانە کەمتر لە نۆ کاتژمێر دانیشتوون.