دوای نەورۆز پردی دەربەندی ڕانیە دەکرێتەوە

ئاڤا نیوز

 

زۆرینەی كارەكانی پردی دەربەندی ڕانیە تەواوبووە و وابڕیارە دوای جەژنی نەورۆز بە ڕووی شۆفێران بكرێتەوە؛ پردەكە ئیدارەی ڕاپەڕین بە پارێزگای سلێمانی دەبەستێتەوە.

 

لێدوانی فەرمی: ئومێد حەمەعەلی، بەڕێوەبەری بۆردی هونەریی پڕۆژەکە بە ئاڤا نیوزی گوت: "لە نزیک پردەکە ڕووبەرێکی سەوزاییش دروست دەکەین و شوێنەکە دەبێتە شوێنێکی گەشتیاری".

 

زانیاریی زیاتر: پردی دەربەندی ڕانیە، 320 مەتر درێژە، پانییەکەی 15 مەتر و بەرزییەکەشی 25 مەترە؛ رۆژی 13ـی ئۆکتۆبەری 2020 لەلایەن سەرۆکوەزیران بارزانییەوە بە گوژمەی زیاتر لە 12 ملیار دینار بەردی بناغەی دانرا.