کەسێک لە زێی گەورە دەخنکێت

ئاڤا نیوز

ئێوارەی ئەمڕۆ کەسێک لە زێی گەورە خنکاوە و تا ئێستا تەرمەکەی نەدۆزراوەتەوە.

چیرۆکی سەرەکی: کاتژمێر شەشی ئێوارەی ئەمڕۆ گەنجێکی تەمەن 20 ساڵی دانیشتووی ناحیەی ڕزگاری سنووری قەزای خەبات، بە ناوی عومەر تەڵعەت لە زێی گەورە خنکاوە، ئەم گەنجە خۆی و خێزان و دایک و باوکی بۆ سەیران ڕوویان لە زێی گەورە کردووە.

لێدوانی فەرمی: مقەدەم شاخەوان سەعید، گوتەبێژی بەرگریی شارستانیی هەولێر بە ئاڤای گوت، دوای ئاگادار کردنەوەمان لەو ڕووداوە، تیمەکانمان لە بنکەی ژێر ئاوی خەبات دەستیان کردووە بە گەڕان بە دوای تەرمی گەنجە خنکاوەکە.

باگڕاوند: لە سەرەتای ئەمساڵەوە هەشت کەس لە زێی گەورە لە سنووری قەزای خەبات خنکاون.