کۆریای باکوور جارێکی دیکە مووشەکێكی بالیستیکی تاقی دەکاتەوە

ئاڤا نیوز

کۆریای باکوور مووشەكێکی بالیستیکی نوێ تاقی دەکاتەوە و کیم جۆنگ ئون، ڕێبەری باڵای وڵاتەکە لە نزیکەوە چاودێریی تاقیکردنەوەکە دەکات.

 

وێنە گەورەکە: مووشەکەکە جۆرێکی نوێیە لە مووشەکی ستراتیژیی مەودا مامناوەند کە بە سووتەمەنیی ڕەق کار دەکات و خێراییەکەی لە سەروو خێرایی دەنگەوەیە. تاقیکردنەوەکە لەلایەن بەڕێوەبەرایەتیی مووشەکیی کۆریای باکوور لە بنکەی هەڵدانی مانگە دەستکردەکان لە سۆهای، لە باکووری ڕۆژئاوای وڵات، کراوە.

ڕاگەیێنراوی فەرمی: بە گوێرەی ڕاگەیێنراوی میدیای فەرمیی کۆریای باکوور، تاقیکردنەوە مووشەکییەکە "بەسەرکەوتوویی" بەڕێوە چووە. 

 

ئەوەی پێویستە بیزانیت: کۆریای باکوور خەریکی پێشخستنی سیستمی مووشەکییە و ئەم تاقیکردنەوەیەی بە هەنگاوێکی گرنگ لە تەواوکردنی لیستی کارەکانی ئەم پڕۆگرامە فراوانە وەسف کردووە.