مووشەکێک بەر باڵەخانەیەکی نزیک باڵیۆزخانەی عێراق لە تاران کەوت

ئاڤا نیوز

مووشەکێکی ئیسرائیل بەر باڵەخانەیەکی نزیک باڵیۆزخانەی عێراق لە تاران دەکەوێت و باڵیۆزی عێراق لە تاران ڕایدەگەیێنێت کە دیپلۆماتکارەکانیان سەلامەتن.

چیرۆکی سەرەکی: ماوەی سێ ڕۆژە هێرشی ئیسرائیل بۆسەر شارە جیاجیاکانی ئێران و بە ئامانجگرتنی وێستگە ئەتۆمییەکان و سەرکردە سەربازییە دیارەکان و زانایانی ئەتۆم بەردەوامە.

لێدوانی فەرمی: ناسر عەبدولموحسین عەبدوڵڵا، باڵیۆزی عێراق لە تاران بە ئاژانسی فەرمیی عێراقی ڕاگەیاند، "سەرجەم دیپلۆماتکارەکانمان سەلامەتن".

ئەوەی پێویستە بیزانیت: لە بەرەبەیانی ڕۆژی هەینییەوە تاوەکو ئێستا، ناوچەکە گرژی و ئاڵۆزییەکی مەترسیداری بەخۆیەوە بینیوە، دوای ئەوەی "ئیسرائیل" هێرشی ئاسمانیی کردە سەر چەندین شاری جیاجیای ئێران کە تارانی پایتەختیشی گرتەوە، لەو هێرشانەدا سەرکردەی دیار و زانایانی ئەتۆمی و وێستگە ئەتۆمییەکانی کردە ئامانج، تارانیش دوای چەند کاتژمێرێک بە سەدان مووشەک قوڵایی تەلئەبیبیی کردە ئامانج.