ساڵی ڕابردوو و دەیەی ڕابردوو گەرمترین ساڵ و دەیەی مێژوون

ئاڤا نیوز

 

لەوکاتەوەی پلەکانی گەرما تۆمار دەکرێن، ساڵی ڕابردوو گەرمترین ساڵ و دەیەی ڕابردووش گەرمترین 10 ساڵی جیهان بووە. 

 

وێنە گەورەکە: بەگوێرەی ڕاپۆرتی دامەزراوەی جیهانیی کەشوهەوا، کە لە دانیشتنی دووەمی دامەزراوەکە لە جنێڤ خوێنرایەوە، پلەی گەرمیی زەوی بەراورد بە پێش شۆڕشی پیشەسازی 1.45 پلەی سەدی گەرمتر بووە. 

 

زانیاریی زیاتر: تاوەکو دێت ئاوی زەریاکان گەرمتر دەبێت و بەهۆیەوە سەهۆڵبەندانەکان زیاتر دەتوێنەوە بە جۆرێک کە گەیشتووەتە ئاستێکی مەترسیدار، بە جۆرێک کە لە ساڵی 1950ـەوە بێوێنە بووە. 

 

ئەمەش بزانە: نەتەوەیەکگرتووەکان هۆشداریی بە پلەی "سوور" داوە لەوەی کە گۆڕانی ئاو و هەوا و گەرمبوونی زەوی، هەسارەی زەوی بەرەو لێواری وێرانبوون دەبات و هۆکاری سەرەکی ئەمەش بەکاربردنی سووتەمەنییە فۆسیلییەکانە.