پەرلەمانی عێراق کۆبوونەوەیەکی خێرا لەبارەی هێرشەکانی ئیسرائیل بۆ سەر ئێران دەکات

ئاڤا نیوز

پەرلەمانی عێراق کۆدەبێتەوە و تاوتوێی هێرشی ئیسرائیل بۆ سەر ئێران و پێشێلکردنی خاکی عێراق دەکات.

وێنە گەورەکە: ماوەی سێ ڕۆژە هێرشی ئیسرائیل بۆسەر شارە جیا جیاکانی ئێران و بە ئامانجگرتنی وێستگە ئەتۆمییەکان و سەرکردە سەربازییە دیارەکان و زانایانی ئەتۆم بەردەوامە.

بڵاوکراوەی فەرمی: نووسینگەی ڕاگەیاندنی پەرلەمانی عێراق، کارنامەی دانیشتنێکی نائاسایی بۆ ڕۆژی سێشەممە 17ـی حوزەیران بڵاوکردەوە.

بەگوێرەی کارنامەکە، گفتوگۆ لەبارەی هێرشەکانی ئیسرائیل بۆسەر کۆماری ئیسلامیی ئێران و پێشێلکردنی سەروەریی عێراق دەکرێت.

ئەوەی پێویستە بیزانیت: ئاسمانی عێراق بووەتە گۆڕەپانێکی مەترسیدار بۆ تێپەڕبوونی مووشەک و فڕۆکەی هەردوو لایەنی شەڕکەری ئیسرائیل و ئێران، لە سێبەری نەبوونی سیستمێکی بەرگری ئاسمانی پێشکەوتوودا کە توانای پاراستنی سەروەری وڵاتی هەبێت.