لیندسی گراهام: پێویستە ئەمریکا پێداویستی سەربازی و بۆمب بۆ ئیسرائیل دابین بکات

ئاڤا نیوز

لیندسی گراهام، سیناتۆری کۆمارییەکان لە چاوپێکەوتنێکی تەلەفزیۆنیدا ڕاگەیاند، ئەمریکا پاڵپشتی ئیسرائیل دەکات بۆ ئەوەی هیچ شتێک بە ناوی بەرنامەی ئەتۆمی ئێران نەمێنێت.

چی ڕوویدا: لە کاتێکدا کە ئەمریکا و ئێران لە دانووستان دابوون بۆ ڕێککەوتن لەسەر پرسی ئەتۆمی ئێران کە هەردوولا پێنج گەڕی دانوستانەکانیان بە ئەرێنی وەسف کرد و هەردوولا ئامادەکارییان  بۆ گەڕی شەشەم دەکرد، بەڵام دواجار ئیسرائیل هێرشی خۆی بۆ سەر ئێران دەستپێکرد بەمەبەستی ڕێگرییکردن لە هەڕەشە ئەتۆمییەکانی ئێران.

لێدوانی فەرمی: لیندسی گراهام، سیناتۆری ئەمریکی ڕایگەیاند، دوو بژاردە هەیە بۆ لەناوبردنی بەرنامەی ئەتۆمی ئێران، یان بە ڕێگەی دیپلۆماسی یاخود لە ڕێگەی سەربازییەوە، من بژاردەی یەکەم بەباشتر دەزانم.

زانیاریی زیاتر: لە ئەگەری سەرنەکەوتنی بژاردەی دیپلۆماسی، گراهام دەڵێت، داوا لە سەرۆک ترەمپ دەکەم کاتێک ئۆپەراسیۆن کۆتایی دێت، هیچ ‌شتێک بەناوی بەرنامەی ئەتۆمی ئێران نەمێنێت، ئەمریکا پێداویستیە سەربازییەکان و بۆمب بۆ ئیسرائیل دایین بکات هەرچییەک ئیسرائیل بیکات لە گەڵی بێت، لەگەڵ ئیسرائیلدا بفڕێت، خراپترین ئەنجام بۆ جیهان ئەوەیە کە بەرنامەی ئەتۆمی ئێران بەردەوام بێت.