حەوت وڵات ڕەشنووسێکیان لەبارەی جەنگی ئێران و ئیسرائیل ئامادە کردووە و ترەمپ ئامادەنییە واژۆی بکات

ئاڤا نیوز

گرووپی حەوت گەیشتوونەتە ڕەشنووسێک سەبارەت بە ململانێی ئیسرائیل و ئێران و داوای کۆتاییهێنان بە جەنگەکە دەکەن، بەڵام دۆناڵد ترەمپ، سەرۆکی ئەمریکا تا ئێستا واژۆی لەسەر نەکردووە.

وێنە گەورەکە: سەرکردەی وڵاتانی جی حەوت ئەمڕۆ لە کەنەدا کۆبوونەوە و تەوەری سەرەکی کۆبوونەوەکەیان گرژییەکانی نێوان ئیسرائیل و ئێران بوو.

بڵاوکراوەی فەرمی: بەپێی ئەو ڕەشنووسەی بڵاوکراوەتەوە، وڵاتانی گرووپی حەوت، داوا دەکەن گرژییەکان کەم بکرێنەوە و دەڵێن، ئیسرائیل مافی خۆیەتی بەرگری لە قەوارەکەی بکات.

ئاماژەیان بەوەشکردووە، هەرگیز نابێت ئێران ببێتە خاوەنی چەکی ئەتۆم و ڕەشنووسەکە پابەندە بە پاراستنی سەقامگیری بازاڕ، لەوانەش بازاڕەکانی وزە.

باکگراوند: بەرەبەیانی ڕۆژی هەینی 13-6-2025، ئیسرائیل هێرشێکی بەرفراوانی کردە سەر دامەزراوە ئەتۆمییەکانی ئێران و ماڵی چەندین سەرکردەی سوپای پاسدارانیشی بە ئامانج گرت و چەندین زانای ناوداریشی لەبواری ئەتۆمی کوشت.