ڕاگەیێنراوی هاوبەشی گرووپی G7 لەبارەی جەنگی ئێران و ئیسرائیل

ئاڤا نیوز

گرووپی وڵاتانی G7 جەختی لەوەدەکەنەوە کە ئیسرائیل مافی خۆیەتی کە بەرگری لەخۆی بکات و ئێرانیش نابێت ببێتە خاوەنی چەکی ئەتۆمی. 

 

چیرۆکی سەرەکی: جەنگی نێوان ئیسرائیل و ئێران تادێت تەشەنە دەسەنێت و ئاگری شەڕ فراوانتر دەبێت، کاریگەری و لێککەوتەکانی ئەم شەڕەش وایکردووە کە زۆرینەی وڵاتانی جیهان هەڵوێستی جیاوازیان هەبێت. 

 

ڕاگەیێنراوی فەرمی: گرووپی وڵاتانی G7 دوای کۆبوونەوەکەیان لە کەنەدا ڕایانگەیاند، هەرگیز نابێت ئێران ببێتە خاوەنی چەکی ئەتۆمی. جەختیش دەکەنەوە، ئیسرائیل مافی ئەوەی هەیە بەرگریی لەخۆی بکات.

لەلایەکی دیکەوە: هەر دوای کۆتایی هێنان بە کۆبوونەوەی جی حەوت هەریەکە لە سەرۆکی فەرەنسا و سەرۆکی ئەمریکا قسەی جیاوازیان لەسەر دۆخەکە هەبوو. 

 

لێدوانی فەرمی: دۆناڵد ترەمپ ڕایگەیاند: ئیمانوێل ماکرۆن هەڵەی کرد کە وتی من بۆ ئەوە لووتکەی G7ـم جێهێشت بۆ ئەوەی بگەڕێمەوە واشنتن تاوەکو کار لەسەر ئاگربەست بکەم، زۆر هەڵەیە: من بۆ ئەوە چوومەوە تا کار لەسەر شتێکی زۆر گەورەتر بکەم.