پەرلەمانی عێراق لەبارەی جەنگی ئیسرائیل و ئێران کۆدەبێتەوە

ئاڤا نیوز

بڕیارە ئەمڕۆ سێشەممە، پەرلەمانی عێراق کۆببێتەوە بۆ گفتوگۆکردن لەسەر هێرشەکانی ئیسرائیل بۆسەر کۆماری ئیسلامیی ئێران و پێشێلکردنی سەروەریی عێراق لەو هێرشانە.

 

وێنە گەورەکە: لە ڕۆژی هەینییەوە، بەهۆی هێرشی ئاسمانیی ئیسرائیلەوە بۆ سەر ئێران، جەنگ لەنێوان ئەو دوو وڵاتە بەرپا بووە و حکومەتی عێراق، ئیسرائیلی تۆمەتبار کردووە بە بەکارهێنانی ئاسمانیی وڵاتەکەی بۆ هێرشەکردنە سەر ئێران و لە ئەنجوومەنی ئاسایشی نێودەوڵەتیی سکاڵای دژی ئەو وڵاتە تۆمار کردووە.

 

بڵاوکراوەی فەرمی: بەگوێرەی بڵاوکراوەی نووسینگەی ڕاگەیاندنی پەرلەمانی عێراق، کاتژمێر 01:00ی دوا نیوەڕۆ دانیشتنەکەی پەرلەمان بەڕێوەدەچێت.

 

ئەوەی پێویستە بیزانیت: بەهۆی ئەوەی عێراق سیستمی بەرگریی ئاسمانیی پێشکەوتووی نییە، ئاسمانی وڵاتەکە بووەتە گۆڕەپانێک بۆ تێپەڕبوونی مووشەک و فڕۆکەی هەردوو لایەنی شەڕکەری ئیسرائیل و ئێران.