هەموو ڕێگاکانی ناوچەی سەوزی بەغدا دەکرێنەوە

ئاڤا نیوز

 

دوای ئەوەی بەهۆی جەنگی نێوان ئیسرائیل و ئێران داخران، بەرەبەیانیی ئەمڕۆ هەموو ڕێگاکانی ناوچەی سەوزی بەغدا بەڕووی شۆفێران کرانەوە.

 

چیرۆکی سەرەکی: ڕۆژی هەینی 13-6-2025 ئیسرائیل بە 200 فڕۆکەی جەنگی چەندین ناوەندی ستراتیژیی ئەتۆمی و بنکەی سەربازی لە ئێران بۆردوومان کرد، لەهەمان ڕۆژدا لەترسی کاردانەوەی گرووپە چەکدارەکانی نزیکی ئێران، بەرپرسانی ئەمنیی بەغدا ناوچەی سەوزی بەغدایان بەڕووی شۆفێران و هاووڵاتییان بەتەواوی داخست.  

 

ڕاگەیێنراوی فەرمی: سەرچاوەیەکی ئەمنی لە شاری بەغدا ڕایگەیاند؛ هێزە ئەمنییەکانی عێراق هەموو ڕێگاکانی ناوچەی سەوزیان بەڕووی هاووڵاتییان و شۆفێران کردەوە، داواش لە هاوڵڵاتییان دەکەن بەئاسایی ئەو ڕێگایانە بەکاربهێنن.

 

زانیاری زیاتر: ڕۆژی دووشەممەی ڕابردوو، دەیان لایەنگرانی گرووپە چەکدارەکانی سەر بەئێران، لە نزیک پردی "موعەلەق"ـی نزیک ناوچەی سەوز بۆ دەربڕینی ناڕەزایی بەرامبەر بەکارهێنانی ئاسمانی عێراق لەلایەن ئیسرائیلەوە بۆ هێرشکردنە سەر ئێران، خۆپیشاندانیان کرد.