حکومەتی ئێران بە سەرۆکایەتیی مەسعوود پزیشکیان کۆدەبێتەوە

ئاڤا نیوز

 

لەدرێژەی بەردەوامبوونی هێرشەکانی ئیسرائیل بۆ سەر تاران، حکومەتی ئێران لەسەر ئەم پرسە ئەمڕۆ چوارشەممە کۆبوونەوەیەکی ئەنجامدا و تاوەکو ئێستاش بەردەوامە.

 

زانیاریی بەدەستهاتوو: ئەمڕۆ چوارشەممە 18-6-2025، کە دەکاتە شەشەم ڕۆژی بەردەوامبوونی هێرشەکانی ئیسرائیل بۆ سەر ئێران و ناوچەکانی، حکومەتی ئێران بە سەرۆکایەتیی مەسعوود پزیشکیان، سەرۆککۆماری وڵاتەکە و بە ئامادەبوونی ئەندامانی حکومەت لە بارەگای سەرۆکایەتیی کۆمار کۆبوونەوە و ئەم پرسە و هەنگاوەکانی داهاتووی وڵاتەکە تاوتوێی دەکەن.

 

لێدوانە فەرمییەکان: مەسعوود پزیشکیان، سەرۆککۆماری ئێران ڕایگەیاند، داوا یەکڕێزی لەتەواوی بەرپرسانی وڵاتەکەی کرد بۆ ئەوەی بتوانن ڕووبەڕووی هەڕەشەکانی ئیسرائیل زیانەکانی ببنەوە.

 

- ئیبراهیم عەزیزی سەرۆکی لیژنەی ئاسایشی نیشتمانی لە پەرلەمانی ئێران، نامانەوێت شەڕەکە فراوانتر بکەین بۆ کەنداو، بەڵام دەشڵێت، بنیامین نەتانیاهۆ سەرۆکوەزیرانی ئیسرائیل لە هەر شوێنک بێت لە ئاسایش بێبەش دەبێت

 

- موحسێن پاکینجاد، وەزیری نەوتی ئێران، هۆشداری دەدات لەوەی ئەگەر ئیسرائیل دامەزراوە ئەتۆمییەکان بکاتە ئامانج لەم کاتەدا زیانی زۆر بە وڵاتانی دراوسێ دەکەوێت.

- ڕێکخراوی وزەی ئەتۆمی ئێران دەڵێت: بارودۆخی دامەزراوە ئەتۆمییەکان باشە.