سەدر داوای خۆپیشاندانی ئاشتییانە دژی ئەمەریکا و ئیسرائیل دەکات

ئاڤا نیوز

موقتەدا سەدر، داوای خۆپیشاندانی ئاشتییانە دژی ئەمەریکا و ئیسرائیل دەکات و دەڵێت" پێویستە خۆپیشاندەران ئیدانەی پێشێلکردنی ئاسمانی عێراق بکەن".

وێنە گەورەکە: جەنگی نێوان ئیسرائیل و ئەمریکا بەردەوامە و کاردانەوە ناوچەیی نێودەوڵەتییەکان بۆ کۆتاییهێنان بە جەنگەکە بەردەوامە، ناڕەزایی عێراق لەبەرامبەر بەکارهێنانی ئاسمانەکەی لەو جەنگە بووەتە بابەتی گەرمی ڕۆژ.

ڕاگەیێنراوی فەرمی : موقتەدا سەدر، ڕێبەری ڕەوتی نشتیمانی شیعە لە نووسراوێکدا داوا لە لایەنگرانی دەکات، پێویستە دوای نوێژی هەینی داهاتوو 2025-06-20، خۆپیشاندانێکی ئاشتییانەی و ڕێکخراو لە سەرجەم ناوەندیی پارێزگاکان بەڕێوەببەن.

زانیاریی زیاتر: سەدر، لە نووسراوەکەدا داوا لەخۆپیشاندەران دەکات،  هەڵویستی تیرۆرزمی ئیسرائیل و ئەمریکا بەرامبەر گەلان و ئایینەکان و کۆمەڵکوژی و هێرش بۆ سەر وڵاتانی عەرەبی و ئیسلامی، وەک هێرشەکانی بۆ سەر ئێرانی دراوسێ، فەلەستین، لوبنان، سوریا و یەمەن شەرمەزارکەن.

"پێویستە خۆپیشاندەران ئیدانەی پێشێلکردنی ئاسمانی عێراق بکەن کە زیان بە خەڵک و سەروەری خاکی عێراق دەگەیەنێت".