ئێران فەرماندەی نوێی ‌هێزی وشکانی دەستنیشان کرد

ئاڤا نیوز 

رێبەری باڵای کۆماری ئیسلامیی ئێران، عەمید محەممەد کەرەمی وەک فەرماندەی هێزەکانی وشکانیی سوپای پاسداران دەستنیشان کرد.

 

ڕاگەیێنراوی فەرمی: نووسینگەی علی خامنەیی، ڕێبەری باڵای کۆماری ئیسلامی ئێران دەستنیشانکردنی محەممەد کەرەمی وەک فەرماندەی هێزەکانی وشکانی لە سوپای پاسداران ڕاگەیاند. 

 

نووسراوە فەرمییەکە: لیوا محەممەد کەرەمی بە لەبەرچاوگرتنی پێشنیازی فەرماندەی گشتیی سوپای پاسداران و بە ڕەچاوکردنی لێهاتوویی و ئەزموونە بەنرخەکانت، بەڕێزتان وەک فەرماندەی هێزی زەمینیی سوپای پاسدارانی ئیسلامی دەستنیشان دەکەم.

 

زانیاریی زیاتر: محەممد کەرەمی پێشتر فەرماندەی بارەگای قودسی هێزەکانی وشکانیی سوپای پاسداران بووە لە باشووری ئێران، لە سەردەمی حکومەتی ئیبراهیم رەئیسیشدا پارێزگاری بەلووجستان بووە.

 
باکگراوند: دوای کوژرانی ژمارەیەک بەرپرسی سەربازیی ئێران لە هێرشی ئیسرائیل، رێبەری باڵای کۆماری ئیسلامیی ئێران فەرمانی دا بەزووترین کات شوێنگرەوەیان دەستنیشان بکرێت.

 

ئەمڕۆ حەوتەم رۆژە جەنگی ئیسرائیل و ئێران بەردەوامە، کە بە هێرشێکی لەناکاوی ئیسرائیل دەستیپێکرد و لە یەکەم کاتژمێرەکانی جەنگەکەشدا چەندین فەرماندەی سەربازی و دوو زانای ئەتۆمیی ئێرانی کردە ئامانج.