دەنگی سێ تەقینەوەی بەهێز لە ڕۆژهەڵاتی تاران بیسترا

ئاڤا نیوز

لەدرێژەی شەڕی نێوان ئێران و ئیسرائیل، هەردوولا لە هێرشەکانیان بەردەوامن، سەر لەبەیانی ئەمڕۆ شەممە دەنگی سێ تەقینەوەی بەهێز لە ڕۆژهەڵاتی تاران بیسترا.

 

زانیاریی بەدەستهاتوو: میدیا ئێرانییەکان ئاشكرای دەکەن، ئەمڕۆ شەممە دەنگی سێ تەقینەوەی بە‌هێز لە ڕۆژهەڵاتی تارانی پایتەختی ئێران بیستران، بەهۆی ئەمەشەوە سیستمی بەرگری ئاسمانی ئێران لە ڕۆژهەڵات و ڕۆژئاوا کاری پێکرا.

 

لەلایەکی دیکەوە: ئەمڕۆ شەممە، هێزی ئاسمانی ئیسرائیل لە ئێکس ڕایگەیاند، "هێرشیان کردووەتە سەر ژێرخانی هەڵگرتن و هەڵدانی مووشەکەکان لە ناوەڕاستی ئێران.

 

باکگراوند: لە 13-6-2025 ئیسرائیل هێرشە سەربازییەکانی بۆ سەر ئێران دەستپێکرد و ماوەی هەفتەیەکە بە چڕی بۆردوومانی شوێنە جیاجیاکانی ئێران بەتایبەت لە ناوەڕاستی ئێران دەکات، لەبەرامبەردا  ئێران بەردەوامە لە وەڵامدانەوەی تەواوی هێرشەکان.