ئێران هێرشەکەی ئەمریکای پشتڕاستکردەوە و هەڕەشە دەکات: دەتانکەینە ئامانج

ئاڤا نیوز

 

دوای چەند کاتژمێرێک لە هێرشەکانی ئەمریکا بۆ سەر پێگە ئەتۆمییەکانی ئێران، جێگری پارێزگاری شاری ئەسفەهان هێرشی ئەمریکای بۆ سەر پێگەی ئەتۆمی نەتەنز و دامەزراوە ئەتۆمییەکانی ئەسفەهان پشتڕاستکردەوە.

 

وێنە گەورەکە: ئەمریکا لەڕێگەی فڕۆکەی B2 بۆردوومانی چڕی پێگە ئەتۆمییەکانی فۆردۆ، نەتەنز و ئەسفەهانی لە ئێران کرد.

 

لێدوانی فەرمی: ئەکبەر ساڵحی، جێگری ئاسایش و جێبەجێکردنی یاسایی پارێزگاری ئەسفەهان بە میدیاکانی وڵاتەکەی ڕاگەیاند، "هێرشەکەی ئەمریکا لە نزیک پێگە ئەتۆمییەکانی نەتەنز و ئەسفەهان ڕاستە".

 

ئاماژەی بەوەشکرد، لە ئەسفەهان و نەتەنز دەنگی چەند تەقینەوەیەک بیستراوە و لە کاتژمێرەکانی داهاتوودا وردەکارییەکانی ئەم هێرشە ڕادەگەیەنرێت.