پەیامی نەتەنیاهۆ دوای هێرشەکەی ئەمریکا بۆ سەر بنکە ئەتۆمییەکانی ئێران

ئاڤا نیوز

 

سەرۆکوەزیرانی ئیسرائیل پێشوازی لە هەنگاوەکەی ئەمریکا دژ بە ئێران دەکات و بە بڕیارێکی مێژوویی ناوی دەبات و دەڵێت، "بێ وێنە بوو".

 

وێنە گەورەکە: بەرەبەیانیی ئەمڕۆ ئەمریکا بە بەهێزترین فڕۆکەی جەنگی، هێرشی کردە سەر پێگە ئەتۆمییەکانی ئێران.

 

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل ڕایگەیاند، ئەمشەو ئەمریکا و ترەمپ بەهێزێکی گەورەوە مامەڵەیان کرد و زۆرجار وتوومانە ئاشتی لەڕێگەی هێزەوە دروست دەبێت.

 

گوتیشی، "بڕیارە بوێرانەکەی ترەمپ بۆ بەئامانجگرتنی دامەزراوە ئەتۆمییەکانی ئێران مێژوو دەگۆڕێت و وێنای نەبووە.

 

نەتەنیاهۆ دەشڵێت، "مێژوو تۆماری کردووە کە ترەمپ هەنگاوی ناوە بۆ ئەوەی مەترسیدارترین حکومەتی جیهان لە مەترسیدارترین چەکی جیهان بێبەش بکات".