هەڵوێستی ئێران دوای بۆردوومانکردنی بنکە ئەتۆمییەکانی لەلایەن ئەمریکاوە

ئاڤا نیوز

 

ئێران هێرشەکەی ئەمریکا بە پێشێلکردنی ڕوونی یاسا نێودەوڵەتییەکان ناودەبات و دەڵێت، "بەردەوام دەبین لە پیتاندنی یۆرانیۆم".

 

وێنە گەورەکە: ئەمریکا لەڕێگەی چەندین فڕۆکەی جەنگی هێرشی کردە سەر سێ پێگەی ئەتۆمی ئێران.

 

ڕاگەیێنراوی فەرمی: ڕێکخراوی وزەی ئەتۆمی ئێران ڕایگەیاند، سەرکۆنەی هێرشەکانی ئەمریکا دەکەین و ئەم هەنگاوە پێشێلکردنی یاسا نێودەوڵەتییەکانە.

 

جەختیش دەکاتەوە، "ئێران دەستبەرداری سامانی نیشتمانیی وزەی ئەتۆم نابێت و بەردەوام دەبین لە پەرەپێدانی".

 

هاوکات ڕێکخراوەکە، هێرشەکەی ئەمریکا پێشێلکردنی پەیماننامەی قەدەغەکردنی چەکی ئەتۆمی (NPT) ناوبرد و ڕایگەیاند، ئەم چالاکییە لە ژێر چاودێری و بە پشتیووانی ئاژانسی نێودەوڵەتی وزەی ئەتۆم ئەنجام دراوە.