كونسوڵی گشتیی ئوردن: چاکسازییەکانی کابینەی نۆیەمی حكومەت مایەی شانازین

ئاڤا نیوز

 

كونسوڵی گشتیی شانشینی ئوردن لە هەرێمی كوردستان بە بۆنەی كۆتاییهاتنی ئەركەكەی سەردانی سەرۆكوەزیران مەسرور بارزانیی كرد.

وێنە گەورەكە: ئەمڕۆ یەکشەممە، سەرۆكوەزیران مەسرور بارزانی پێشوازی لە فوئاد ئەلمەجالی، کونسوڵی گشتیی شانشینی ئوردن لە هەرێمی کوردستان کرد بە بۆنەی کۆتاییهاتنی ئەرکە دیپلۆماتییەکەی لە هەرێمی كوردستان.

 

ڕاگەیێنراوی فەرمی: بەپێی ڕاگەیێنراوێكی حكومەتی هەرێمی كوردستان، سەرۆكوەزیران مەسرور بارزانی، وێڕای سوپاسکردنی کونسوڵی گشتیی ئوردن بۆ ئەو ماوەیەی کاری بۆ بەهێزترکردنی پەیوەندیی دوولایەنە کردووە، هیوای سەرکەوتنشی لە ئەرکی داهاتوویدا بۆ خواست .

 

- سەرۆکی حکومەت هەروەها ئاماژەی بە پەیوەندیی دۆستانە و تایبەتیی نێوان ئوردن و هەرێمی کوردستان کرد و پێزانینیشی بۆ پشتیوانیی شا عەبدوڵلای دووەم لە هەرێمی کوردستان دەربڕی.

 

لەلایەكی دیكەوە: کونسوڵی گشتیی ئوردن ، ئاماژەی بەوە دا کە دەسکەوتەکانی حکومەتی هەرێمی کوردستان بە تایبەتی چاکسازییەکانی کابینەی نۆیەم لە کەرتە جۆراوجۆرەکاندا مایەی شانازین، هەروەها سوپاسی هاریکاریی و هاوئاهەنگی لایەنە پەیوەندیدارەکانی حکومەتی هەرێمی کوردستانیشی کرد بۆ سەرخستنی ئەرکەکەی.