شەوێک دوای هێرشەکەی ئەمریکا، بە مووشەک ئیسرائیل بۆردوومان کرا

ئاڤا نیوز

 

کاتژمێر چواری سەرلەبەیانیی ئەمڕۆ جارێکی دیکە زەنگی ئاگادارکردنەوە لە بەشێكی ئیسرائیل لێدرا، ئەمەش پاش ئەوەی مووشەک ئاراستەی ئەو وڵاتە کرا.

 

وێنە گەورەکە: دوای بۆردوومانکردنی بنکە ئەتۆمییەکانی ئێران لەلایەن ئەمریکاوە لە بەرەبەیانیی ڕۆژی یەکشەممە، ئەمە دووەم جارە ئیسرائیل مووشەکباران دەکرێت. هەرچەندە دوای هێرشەکەی سەر بنکە ئەتۆمییەکانی ئێران، ترەمپ ڕایگەیاند، "ئێستا کاتی ئاشتییە"، بەڵام ئێران و ئیسرائیل بەردەوامن لە هێرشکردنە سەر یەکدی لە ڕێگەی مووشەک و درۆنەوە.

 

زانیاریی بەدەستهاتوو: کاتژمێر چواری سەرلەبەیانیی ئەمڕۆ، هێرشی مووشەکی کرایە سەر ئیسرائیل و سوپای ئەو وڵاتەکەش داوای لە هاوڵاتیانی کرد بچنە پەناگەکانیانەوە.

 

ڕاگەیێنراوی فەرمی: میدیای ئێران بڵاویکردەوە ئەو مووشەکانەی ئاراستەی ئیسرائیل کراون سەرچاوەکەیان یەمەن بووە نەک ئێران، ئەمەش پاش ئەوەی میدیای ئیسرائیل گوتی مووشەکەکان لە ئێرانەوە ئاراستە کراون.