ئێران: لە پیتاندنی یۆرانیۆم بەردەوام دەبین

 ئاڤا نیوز

سەرەڕای بەردەوامبوونی‌ هێرشەکانی ئیسرائیل بۆ سەر ئێران، بەڵام ئێران سوورە لەسەر پیتاندنی یۆرانیۆم. 

 

چیرۆکی سەرەکی: ئیسرائیل بۆ ڕێگریکردن لە هەڕەشە ئەتۆمییەکانی ئێران، 13ـی ئەم مانگە هێرشی ئاسمانیی بۆ سەر تاران دەستپێکرد و لەماوەیەکی کەمدا چەندین کەسایەتیی سەربازی و پێگەی ستراتیژیی وڵاتەکەی بەئامانج گرت، هەر لەوەش نەوەستا؛ لە دەیەم ڕۆژی جەنگەکە، دواجار ئەمریکا بڕیاری هێرشکردنە سەر دامەزراوە ئەتۆمییەکانی ئێرانی دا بە بەکارهێنانی بۆمبی GBU-57 و چەندین مووشەکی بۆ  لەناوبردنی بنکەی فۆردو و نەتەنز و ئەسفەهان بەکارهێنا، راشیگەیاند ئامانجەکانی خۆی پێکا.

 

لێدوانی فەرمی: ئسماعیل بەقائی، گوتەبێژی وەزارەتی دەرەوەی ئێران ڕایگەیاند،''ئەمریکا پێویستە ئەنجامی شەڕەکە لەئەستۆبگرێت. ئێمە بەردەوام دەبین لە بەرگریکردن. نازانین لەداهاتوودا چی ڕوودەدات، بەڵام دەبێت بەرپرسیاریێتی ئەنجامەکانی ئەم جەنگە، بخرێنە ئەستۆی ئەمریکا و ئیسرائیل." 

 

جێگریی وەزیری دەرەوەی ئێران هەروەها ڕایگەیاند ''تاران بەردەوام دەبێت لە پیتاندنی یۆرانیۆمی خۆی، هیچ کەسێکیش نابێت بە ئێران بڵێت چی بکات.''