ئەمریکا هەڕەشەی تووند لە ئێران دەکات؛ وەڵامی وێرانکەرمان دەبێت

ئاڤا نیوز

نوێنەری ئەمریکا لە ئەنجوومەنی ئاسایشی نێودەوڵەتی هەڕەشەی تووند لە ئێران دەکات لە ئەگەری هەر وەڵامدانەوەیەک لەبەرامبەر هێرشەکانی سوپای ئەمریکا و دەڵێت، وەڵامی وێرانکەرمان دەبێت.

وێنە گەورەکە: دوای هێرشی ئەمریکا بۆ سەر سێ پێگەی سەرەکی ئەتۆمی لە ئێران کە ئەوانیش پێگەکانی ئەسفەهان، فۆردۆ و نەتەنز بوون،  لەسەر داوای ئێران ئەنجوومەنی ئاسایشی نێودەوڵەتی کۆبوونەوەی نائاسایی خۆی ئەنجام دا و هێرشی ئەمریکای بۆ سەر ئێران تاوتوێ کرد، هەریەک لە نوێنەرانی ئەمریکا و ئیسرائیل و ئێران لە وتارەکانیاندا یەکتریان بە سەرچاوەی هەڕەشە و مەترسی بۆ سەر ڕۆژهەڵاتی  ناوەڕاست و جیهان تۆمەتبار کرد.

لێدوانی فەرمی: دۆرەسی شەی، باڵیۆزی ئەمریکا لە ئەنجوومەنی ئاسایشی نێودەوڵەتی لە کۆبوونەوەی نائاسایی ئەنجومەنی ئاسایش لە سەر پرسی هێرشی ئەمریکا بۆ سەر ئێران ڕایگەیاند: ئەمریکا لەچوارچێوەی پارێزگاریکردن لە ئیسرائیل هێرشی کردووەتە سەر پێگە ئەتۆمییەکانی ئێران و بەردەوام دەبین لەو پارێزگارییە، ئەگەر ئێران پلانی وەڵامدانەوەی هەبێت و هێرش بکاتە سەر هەر بنکە و بەرژەوەندیەکی ئەمریکا لە ڕۆژهەڵاتی ناوەڕاست، ئەوا وەڵامی ویرانکەرمان بۆ ئێران دەبێت و بە هێزێکی زیاترەوە هێرشیان دەکەینە سەر.

لە لایەکی دیکەوە: ئەمیر سەعید ئیراوانی، نوێنەری ئێران لە ئەنجوومەنی ئاسایشی نەتەوە یەکگرتووەکان ڕایگەیاند، دەبێت ئەمریکا و ئیسرائیل و بەریتانیا و فەرەنسا بەرپرسیارێتی کوشتنی خەڵکی سڤیل لە ئەستۆ بگرن.