ئیسماعیل قائانی لە تاران دەردەکەوێت

ئاڤا نیوز

هەرچەندە بەشێک لە میدیاکانی جیهان هەواڵی کوژرانیان بڵاوکردەوە، بەڵام دواجار ئیسماعیل قائانی لە خۆپیشاندانەکانی ئێران دەرکەوتەوە.

 

وێنە گەورەکە: شەوی 13-6-2025، ئیسرائیل هێرشی کردە سەر ئێران و ژمارەیەک زانای ئەتۆمی و فەماندەی سەربازی کردە ئامانج، دواتر هەواڵی کوژرانی ئیسماعیل قائانی، فەرماندەی فەیلەقی قودس بڵاوکرایەوە، کە گوایە لەو هێرشانەدا بە ئامانج گیراوە، بەڵام هەواڵەکە پشتڕاست نەکرایەوە و لەو کاتەوە فەرماندەی فەیلەقی قودسیش دەرنەکەوت.

 

زانیاریی بەدەستهاتوو: ڕۆژی 24-6-2025، ئیسماعیل قائانی، فەرماندەی فەیلەقی قودسی سوپای پاسداران، بەشداریی خۆپیشاندانەکانی شەقامی ئینقلابی تارانی کرد.

 

زانیاریی زیاتر: خۆپیشاندانەکان بۆ دەربڕینی دژایەتیی بەرامبەر هەر جۆرە سازش و ئاگربەستێک ڕێکخرابوو، خۆپیشاندەرانیش دروشمی 'نەمان بۆ سازشکار'یان دەوتەوە.