ڕوانگەی سووریی: لە مانگێکدا 29 کەس بەهۆکاری جیاواز کوژراون

ئاڤا نیوز

 

ڕوانگەی سووری بۆ مافەکانی مرۆڤ دەڵێت، لەم مانگەدا 29 کەس بەهۆکاری جیاواز لە سووریادا کوژراون و تەرمەکانیان دۆزراوەتەوە.

 

وێنە گەورەکە: دوای نزیکەی حەوت مانگ لە ڕووخانی دەسەڵاتەکەی ئەسەد لە سووریا، بەڵام تائێستا ئاسایشیی ناوخۆیی وڵاتەکە بەرقەرار نەبووە و دەیان گرووپی چەکداریی و بەرژەوەندی جیاواز لە وڵاتەکەدا هەن، کە هەندێکجاریش ڕووبەڕووی یەکتریی دەبنەوە.
 
ڕاگەیێنراوی فەرمی: ڕوانگەی سووری بۆ مافەکانی مرۆڤ بڵاویکردەوە، ئەوانەی کوژراون لەلایەن ئەندامانی وەزارەتی بەرگریی سووریا، گرووپە چەکدارەکان، گرژیی نێوان گرووپە چەکدارەکان، کێشەی کۆمەڵایەتیی، لەکاتی دزی لێکردن و هۆکاری دیکەی جیاواز کوژراون.

ئاماژەی بەوەشكردووە، بەشێکی دیکەش لە کوژراوەکان لەوانەش ڕووفاتی 20 کەس لە گۆڕێکی بە کۆمەڵدا لە دەوروبەری شاری حومس دۆزراونەتەوە، کە لە ساڵانی ڕابردوودا کۆمەڵکوژ کراون.