سەرۆکوەزیران مەسرور بارزانی: ڕاگرتنی هەناردەی نەوت 25 ملیار دۆلار زیانی هەبووە

ئاڤا نیوز

سەرۆکوەزیران مەسرور بارزانی ڕایگەیاند: ڕاگرتنی هەناردەکردنی نەوتی کوردستان لە ڕێگەی بەندەری جیهانەوە زیانی زۆری بە ئابووریی کوردستان و عێراق گەیاندووە و بە 25 ملیار دۆلار دەخەمڵێنرێت. 

 

وێنە گەورەکە: ئەمڕۆ چوارشەممە، ئەنجوومەنی وەزیرانی هەرێمی کوردستان بە سەرپەرشتی سەرۆکوەزیران مەسرور بارزانی، پرسی کاریگەریی جەنگی نێوان ئیسرائیل و ئێران و کاریگەریی نەناردنیی مووچەی لەلایەن بەغداوە تاوتوێکرد. 

 

لێدوانی فەرمی: سەرۆکوەزیران مەسرور بارزانی، لەدوای کۆبوونەوەی ئەنجوومەنی وەزیران ڕایگەیاند: بەهۆی ڕاگرتنی هەناردەکردنی نەوتی هەرێمی کوردستان لە ڕێگەی بەندەری جەیهانی تورکیاوە، زیانێکی زۆری ئابووریی بەر حکومەتی فیدراڵ و کوردستانیش گەیشتووە. 

 

سەرۆکوەزیران مەسرور بارزانی لە بەشێکی دیکەی قسەکانیدا باسی لەوەکرد: زیانی ڕاگرتنی نەوت بە 25 ملیار دۆلار دەخەمڵێنرێت، ئەمەش کاریگەریی هەبووە لەسەر کەمبوونەوەی داهاتی ناوخۆ. 

 

٠ بەشێک لە کۆمپانیا نەوتییەکان ئێستا بڕێک نەوت بەرهەم دەهێنن و لەناوخۆ ساغی دەکەنەوە، ئەمەش بۆ ئەوەیە تاوەکو بەرهەمهێنانیان نەوەستێت.

 

٠  حکومەتی عێراق هۆکاری وەستاندنی دەرهێنانی نەوتە، چونکە دەیانەوێت تێچووی دەرهێنان هاوتای عێراق بێت ئەمەش نەگونجاوە و جیاوازییەکی زۆر هەیە بەهۆی جیاوازی لە پێکهاتەی خاکی هەرێمی کوردستان هەیە و جۆری نەوتەکەش جیاوازە. 

٠ بۆ دەستپێکردنەوەی هەناردەکردنەوەی نەوت ئامادەییمان دەربڕیوە لە ڕێگەی سۆمۆوە بکرێت، پێویستە ڕێککەوتنێک لەگەڵ هەموو لایەنەکان بکرێت بەتایبەت کۆمپانیاکانی بواری نەوت.