بەهای دینار بەرامبەر دۆلار دادەبەزێت

ئاڤا نیوز

دابەزینی بەهای دینار بەرامبەر بە دۆلار بەردەوامە، گوتەبێژی بازاڕی دراوی هەولێریش پێیوایە زیادبوونی مەترسییەكانی داعش بەهای دینار زیاتر دادەبەزێنێت. 

چیرۆکی سەرەکی: بەرزی و نزمی لە بەهای دۆلار لە بەرامبەر بە دیناری عێراق بەردەوامە، ئەمڕۆ، لە شاری هەولێر بەهای دینار، لە بەرامبەر بە دۆلار دابەزییووە و شارەزایان هۆکارەکەی بۆ شەڕ و پێکدادانەکانی سووریا دەگەڕێننەوە. 

لێدوانی فەرمی: کەیفی خۆشناو، وتەبێژی بازاڕی دراوی هەولێر بە ئاڤا میدیای وت: "ئەم ئێوارە بازاڕی دراو کە داخرا، نرخی 100 دۆلاری ئەمریکی بەرامبەر 148 هەزار دینار بوو، واتە بە بەراورد بە ڕۆژی سێشەممە، بەهای دینار 500 دینار بەرامبەر دۆلار دابەزیوە."

زانیاریی زیاتر: سەبارەت بە هۆکارەکانی دابەزینی بەهای دینار بەرامبەر دۆلار، وتەبێژەکەی بازاڕی دراوی هەولێر، دەڵێت: "هۆکارەکە پەیوەندی بە گرژییەکانی سوریا، هەڕەشەکانی ئەمریکا بۆ گرووپە چەکدارەکانی عێراق، بابەتی پێکنەهێنانی حکومەتی نوێی عێراق دەگەڕێتەوە."

ئەمەش بزانە: هاوکات کەیفی خۆشناو باس لەوە دەکات، ئەگەر داعش جارێکی دیکە ببێتەوە مەترسی بۆ سەر عێراق، ئەوا بەهای دینار بەرامبەر دۆلار بە ڕێژەی بەرچاو دادەبەزێ  ئەمەش بۆ عێراق زۆر خراپ دەبێت.