پلەکانی گەرمای هەرێمی کوردستان بەجێگریی دەمێننەوە

ئاڤا نیوز

 

بەگوێرەی پێشبینییەکانی 48 کاتژمێری داهاتوو، کەشوهەوای زۆرینەی ناوچەکانی هەرێمی کوردستان بەجێگیری دەمێننەوە و تاوەکو ئێستا نەگەیشتووە بە 40 پلەی سەدی. 

 

لێدوانی فەرمی: شێخ دارا، پێشکەشکاری کەشوهەوای ئاڤا ڕایگەیاند: کاریگەریی شەپۆلی نزمە پاڵەپەستۆی جەمسەری باکوور تاوەکو ئێستا لەسەر هەرێمی کوردستان ماوە، تاوەکو ئێستا پلەی گەرما لە زۆرینەی ناوچەکان نەگەیشتووەتە 40 پلەی سەدی. 

 

زانیاریی زیاتر: هەر بەوتەی شێخ دارا، خێرایی بای باکووری ڕۆژئاوا لە نێوان 15 بۆ 20 کیلۆمەترە، ئەمەش کاریگەریی هەبووە لەسەر دروستبوونی خۆڵبارین لە شارەکانی ناوەڕاست و خوارووی عێراق. 

 

ئەمەش بزانە: پێشبینیی پلەکانی گەرمای هەرێمی کوردستان بەم شێوەی خوارەوەیە:- 

هەولێر: بەرزترین پلە 39 و نزمترین 29 پلەیە

سلێمانی: بەرزترین پلە 37 و نزمترین 26 پلەیە

کەرکووک: بەرزترین پلە 41 و نزمترین 28 پلەیە

هەڵەبجە: بەرزترین پلە 38 و نزمترین 28 پلەیە

دهۆک: بەرزترین پلە 33 و نزمترین 21 پلەیە

ئیدارەی گەرمیان: بەرزترین پلە 43 و نزمترین 27 پلەیە

ئیدارەی زاخۆ: بەرزترین پلە 37 و نزمترین 23 پلەیە

ئیدارەی سۆران: بەرزترین پلە 34 و نزمترین پلە 18 پلەیە

ئیدارەی ڕاپەڕین: بەرزترین پلە 36 و نزمترین 26 پلەیە

حاجی ئۆمەران: بەرزترین پلە 25 و نزمترین 12 پلەیە