ئەنجوومەنی کۆمیسیاران لەبارەی درێژکردنەوەی وادەی تۆمارکردنی کاندیدان کۆدەبێتەوە

ئاڤا نیوز

سبەی دوایین وادەیە بۆ ڕادەستکردنی لیستی کاندیدانی پارت و لایەنە سیاسییەکان بۆ هەڵبژاردنی پەرلەمانی عێراق، بەشێکی لایەنە کوردستانییەکان ناوی کاندیدەکانیان یەکلایی کردووەتەوە.

 

وێنە گەورەکە: کەمتر لە شەش مانگ بۆ بەڕێوەچوونی هەڵبژاردنی خولی شەشەمی پەرلەمانی عێراق ماوە، ئامادەکارییەکانی کۆمسیۆنی هەڵبژاردنەکانی عێراق بەردەوامە و سبەی پێنجشەممە بڕیار لەسەر کۆتایی هاتن یان درێژکردنەوەی وادەی تۆمارکردنی ناوی کاندیدەکان دەدات.

 

لێدوانی فەرمی: عیماد جەمیل، سەرۆکی تیمی ڕاگەیاندنی ئەنجوومەنی کۆمسیاران؛ بە ئاڤای گوت، "سبەی لەگەڵ تەواوبوونی دەوامی فەرمی لقەکانی کۆمسیۆن، لایەنەکان دەتوانن ناوی کاندیدەکانیان پێشکەش بکەن؛ هاوکات کۆبوونەوەی ئەنجوومەنی کۆمسیاران بەڕێوەدەچێت ئەگەر هەیە وادەکە درێژ بکرێتەوە ئەگەر پێویست بکات."

 

ئەمەش بزانە: هەڵبژاردنی پەرلەمانی عێراق لە 19 پارێزگا بەسەر 83 بازنە دابەش دەبێت، پارتی دیموکراتی کوردستان بۆ هەر کورسییەک دوو کاندیدی دەبێت.