دەستەی دەستپاکی عێراق گەندەڵییەکی دوو ملیار دیناری لە ئەنبار ئاشکرا دەکات

ئاڤا نیوز

دەستەی دەستپاکیی عێراق ئاشکرای کرد، بەڕێوەبەری پێشووی قەرەبووکردنەوە لە قەزای قائیم بە تۆمەتی گەندەڵیکردن دەستگیر کرا و ڕێگری لە بەهەدەردانی نزیکەی دوو ملیار دینار و نیو دەکات.

وێنە گەورەکە: بەپێی ئاماری ڕێکخراوی شەفافییەتی نێودەوڵەتیی، عێراق یەکێکە لە وڵاتەکان کە گەندەڵییەکی زۆری تێدا دەکرێت، لە دوای ساڵی 2003ـەوە گەندەڵی لە عێراق بووەتە دیاردە و سەرجەم دامەزراوەکانی دەوڵەتی گرتووەتەوە.
 
ڕاگەیێنراوی فەرمی: دەستەی دەستپاکی عێراق ڕایگەیاند: تۆمەتبارێک تێوەگلاوە لە ساختەکردنی مامەڵەی قەرەبووکردنەوەی هاووڵاتیان لە کەرتی نیشتەجێبوون، دەستەکە ئاماژەی بەوەشکردووە، دەست بەسەر 131 مامەڵەدا گیراوە و هەروەها بەهەدەردانی دوو ملیار و 450 ملیۆن دینار ڕێگری لێکراوە. 

 

زانیاریی زیاتر: تۆمەتبار بەگوێرەی ماددەی 289ی یاسایی سزادانی عێراقی دەستگیرکراوە.