بەرنامەی خۆراکی جیهانی: پڕۆسەی دابەشکردنی ئارد لە غەززە تاوەکو ئێستا وەستاوە

ئاڤا نیوز

بەرنامەی خۆراکی جیهانیی سەر بە نەتەوە یەکگرتووەکان ئاشکرای دەکات، تاوەکو ئێستا پڕۆسەی دابەشکردنی ئارد لە کەرتی غەززە ڕاوەستاوە و ئاماژە بەوە دەکات، خەڵکی غەززە بەدەست کەمیی خۆراکەوە دەناڵێنن.

چیرۆکی سەرەکی: گەمارۆی تووند و داخستنی تەواوەتیی سنوورەکانی غەززە لەلایەن ئیسرائیلەوە بەردەوامە و هاوکات هێرشەکانیش بەردەوامن کە ڕۆژانە دەیان کەس بەهۆی هێرش یان تەقەی سەربازانی ئیسرائیل لەو کاتەی کە دەچن بۆ وەرگرتنی خۆراک، دەکوژرێن.

ڕاگەیێنراوی فەرمی: بەرنامەی خۆراکی جیهانی ڕایگەیاند: پشتڕاستی دەکەینەوە لەم ساتەدا پڕۆسەی دابەشکردنی ئارد لە کەرتی غەززە ڕاگیراوە و ئەو بڕە ئاردەی لە ئێستادا دابەش دەکرێت بەشێکە لەو هەوڵە سنووردارانەی لەلایەن دامەزراوە نێودەوڵەتیی و ناوخۆییەکانەوە دەدرێن کە دابەشکردنێکی کەم و سنووردارە.

لەلایەکی دیکەوە: ئەمڕۆ شەممە، حکومەتی غەززە ڕایگەیاند؛ ژمارەی ئەو منداڵانەی تائێستا لە کەرتی غەززە بەهۆی برسیێتی و خراپی خۆراکەوە گیانیان لەدەست داوە گەیشتووەتە 66 منداڵ.