کۆڵبەرێک بە تەقەی ڕاستەوخۆی پاسەوانی سنووری ئێران کوژرا

ئاڤا نیوز

 

پاسەوانانی سنوور لە ئێران، تەقە لە پۆلە کۆڵبەرێك دەکەن و بەهۆیەوە کۆڵبەرێک گیان لەدەست دەدات.

 

چیرۆکی سەرەکی: بەرەبەیانیی ڕۆژی شەممە 28-6-2025، لە ئەنجامی دەستڕێژی پاسەوانانی سنووری ئێران بۆ سەر پۆلێك کۆڵبەر لە ناوچەی سنووریی "ئاوپەڕ"ـی بانە، کۆڵبەرێک گیانی لەدەست دا و یەکێکی دیکەش بە سەختی بریندار بوو.

 

ڕاگەیێنراوی فەرمی: تۆڕی مافەکانی مرۆڤی کوردستان ڕایگەیاند: ئەو کۆڵبەرانە لە مەودای نزیکەوە و بەبێ ئاگادارکردنەوەی پێشوەخت کەوتنە بەر دەستڕێژی گوللەی پاسەوانانی سنووری ئێران، لە ئەنجامی دەستڕێژییەکەشدا کۆڵبەرێک بە ناوی سەیوان عەبدوڵڵازادە گیانی لەدەست داوە، کۆڵبەرێکی دیکەش بە ناوی حوسێن کە (پاشناوەکەی نەزانراوە) بە سەختی بریندار بووە و دۆخی ناجێگیرە.

 

لەلایەکی دیکەوە: هەر لە ئەنجامی ئەم دەستڕێژییەدا، چەندین ئەسپی ئەم کۆڵبەرانە لەلایەن پاسەوانی سنوورەوە کوژران.