شارەزایەک: عێراق مافی قەرەبووکردنەوەی زیانەکانی جەنگی هەیە

ئاڤا نیوز

سەرەڕای ئەو زیانە ئابوورییانەی کە بەهۆی جەنگی ئەم دواییەی نێوان ئێران و ئیسرائیلەوە بەری کەوت، عێراق تا ئێستا هیچ هەنگاوێکی نەناوە بۆ داواکردنی قەرەبووی نێودەوڵەتی، لە کاتێکدا وڵاتانی دیکە دەستیان بە جووڵە کردووە.

وێنە گەورەکە: داخستنی ئاسمان و دەروازەکان و بەرزبوونەوەی تێچووی دڵنیایی بارە نەوتییەکان، کاریگەریی ڕاستەوخۆیان لەسەر ئابووریی عێراق هەبووە، بەڵام بەغداد بێدەنگە.

لێدوانی فەرمی: ساڵح ڕەشید، شارەزای ئابووری لە لێدوانێکدا ڕایگەیاند، لە ڕووی یاساییەوە عێراق دەتوانێت لە ڕێگەی نەتەوەیەکگرتووەکانەوە داوای قەرەبوو بکات، بەڵام واقیعی سیاسی و هەوڵە نێودەوڵەتییەکان بۆ هێورکردنەوەی دۆخەکە، ڕێگرن لەم هەنگاوە.

گۆشەیەكی دیكەی دیمەنەكه: سەبارەت بە هێرشەکانی ئەم دواییەی سەر پێگە سەربازییەکانی ناو بەغداد، ڕەشید ڕوونی کردەوە  "وەک کردەوەی تیرۆرستی پۆلێن دەکرێن و لێکۆڵینەوەکان هێشتا بەردەوامن بۆ دیاریکردنی لایەنی جێبەجێکار، تا ئێستا ناخرێنە چوارچێوەی ڕێڕەوەکانی داواکردنی قەرەبووی نێودەوڵەتییەوە".

ئەوەی پێویستە بیزانیت: زۆربەی وڵاتە زیانلێکەوتووەکان پشتیان بە کۆمپانیاکانی دڵنیایی بەستووە بۆ قەرەبووکردنەوەی زیانەکانیان و ڕەنگە عێراقیش هەمان ڕێگە بگرێتەبەر، هەرچەندە کەرتی دڵنیایی ناوخۆیی سنووردارە.

پێدراوە ڕاستییەکان: بە گوتەی ساڵح ڕەشید، بێدەنگیی عێراق زیاتر وەک هەڵوێستێکی سیاسی دەردەکەوێت کە سەقامگیریی ناوچەکە لە سەرووی داواکارییە داراییەکانەوە دادەنێت، لە کاتێکدا لێکەوتە نەرێنییەکانی جەنگەکە کاریگەریی ڕاستەوخۆیان لەسەر ئابووریی وڵاتەکە هەبووە.