پاركێكی دیكەی گەشتیاری لە دهۆك دروست دەكرێت

ئاڤا نیوز

لە شاری دهۆك پڕۆژەیەكی گرنگی گەشتیاری جێبەجێ دەكرێت، قۆناغی یەكەمی تەواو بووە و كارەكانی قۆناغی دووەمیش، ڕێژەی 85%ـی تەواو بووە.

چیرۆکی سەرەکی: پرۆژەی پارکی سەرهەڵدان لە شاری دهۆک، وەکو پڕۆژەیەکی گەشتیاری لەسەر ڕووبەری 48 دۆنم دروست دەكرێت، چەندین خزمەتگوزاریی گەشتیاری لە خواردنگە، نافوورە، گۆڕەپانی ڕۆمانی، شوێنی وەرزش و یاریگە لەخۆدەگرێت.

لێدوانی فەرمی: شێروان حەسەن، بەرپرسی ڕاگەیاندنی شارەوانیی دهۆك لە بارەی پرۆژەكە تایبەت بە ئاڤا ڕایگەیاند، پاركی سەرهەڵدان دەبێتە پێنجەم پاركی گەورەی شاری دهۆك و ڕێژەی سەوزاییەكەی 75%ـە و قۆناغی یەکەمی کۆتایی هاتووە و قۆناغی دووەمی کارەکانی، بە ڕێژەی 85% تەواو بووە.

بۆچی گرنگە: تەواوبوونی پارکی سەرهەڵدان، سیمایەکی جوانتر بە شاری دهۆک دەبەخشێت و دەبێتە شوێنێکی گەشتیاریی ناوچەکە. هاوکات کاریگەریی لەسەر پاککردنەوەی ژینگەی شارەکەش دەبێت.