کارمەندێکی کۆمپانیایەکی ئەمنی لە هێرشەکەی سەر فڕۆکەخانەی کەرکووک گیانی لەدەست دا

ئاڤا نیوز

 

مووشەکێک لە فڕۆکەخانەی نێودەوڵەتیی کەرکووک کەوتەخوارە و لە ئەنجامدا کارمەندی کۆمپانیایەکی ئەمنی گیانی لەدەست دا.

 

وێنە گەورەکە: شەوی دووشەممە، دەنگی چەند تەقینەوەیەک لە کەرکووک بیسترا، بەپێی زانیارییە سەرەتاییەکان سێ مووشەک لەو پارێزگایە کەوتونەتە خوار و یەکێکان کەوتووەتە فڕۆکەخانەی نێودەوڵەتیی شارەکە.

 

لێدوانی فەرمی: سەرچاوەیەکی ئەمنی بە ئاڤا میدیای ڕاگەیاند: کارمەندێکی یەکێک لە کۆمپانیا ئەمنییەکانی فڕۆکەخانەی نێودەوڵەتیی کەرکووک گیانی لەدەست داوە ئەمەش بەهۆی کەوتنەخوارەوەی مووشەکێک لەنێو فڕۆکەخانەکە.

 

ڕاگەیێنراوی فەرمی: کارگێڕیی فڕۆکەخانەی نێودەوڵەتیی کەرکووک لە ڕاگەیێنراوێکدا ڕایگەیاند: کاتژمێر 11:30 خوولەک، سێ مووشەک ئاراستەی شاری کەرکووک کراوە و دوو لەو مووشەکانە لە نزیک دەرگای سەربازیی فڕۆکەخانەکە کەوتوونەتە خوارەوە و مووشەکێکی دیکەش لە نزیک دەرگای چوونەژوورەوەی مەدەنی کەوتووەتە خوارەوە و بەهۆیەوە ئاگرێک کەوتووەتەوە.

 

٠ مووشەکێک لەسەر ماڵێکی گەڕەکی عرووبە کەوتووەتە خوارەوە کە دوو ئەندامی ئەو خێزانە خاوەن پێداویستیی تایبەتن، بەڵام هەموویان سەلامەتن و زیانی گیانی نەبووە، تەنها زیانەکە ماددیە.