سەرۆک شارەوانی پێشووی ئیزمیر و 120 کەسی دیکەی سەربە جەهەپە دەستبەسەرکران

ئاڤا نیوز

 

بە بڕیاری داواکاری گشتیی ئیزمیر، تونج سۆیەر، سەرۆک شارەوانی پێشووی ئیزمیر و 120 ئەندامی دیکەی سەر بە جەهەپە بەتۆمەتی گەندەڵی دەستبەسەرکران. 

 

چیرۆکی سەرەکی: وەزارەتی ناوخۆی تورکیا ئۆپەراسیۆنی (شەفەق)ـی لە کاتژمێر 5:30ـی بەرەبەیانیی ئەمڕۆ  لە پارێزگای ئیزمیری ئەو وڵاتە دەستپێکرد، لەو ئۆپەراسیۆنەدا هەریەک لە تونج، سۆیەر، سەرۆک شارەوانی پێشووی ئیزمیر، شینۆل ئەسلان ئۆغلو، پارێزگاری ئیزمیر لەگەڵ 120 ئەندامی دیکەی سەر بە جەهەپە دەستبەسەرکران.

 

لێدوانی فەرمی: مورات بەکان، جێگری سەرۆکی جەهەپە لە ئێکس ڕایگەیاند: ئەمڕۆ بەرەبەیان، لەگەڵ دەستگیرکردنی ئەندامانی جەهەپە ڕۆژمان کردەوە، ئەم ئۆپەراسیۆنە سیاسییە و بەمەبەست ڕێکخراوە.

 

کاردانەوەکان: وەک هەڵوێستێک دژی دەستگیرکردن و دەستبەسەرکردنی ئەندامەکانیان، سەرۆک و ئەندامانی جەهەپە بەرەو ئیزمیر بەڕێکەوتن.

 

ئەوەی لەبارەیەوە دەگوترێت: تولای هاتیمئۆغلولەری، هاوسەرۆکی دەم پارتی دەڵێت: ئەم ئۆپەراسیۆنانە کە بەمەبەستی ئارەزوومەندانە ئەنجام دەدرێن، بە شێوەیەکی جددی سێبەریان بەسەر هەوڵەکانی تورکیا بۆ ئاشتی و دیموکراسی و سەروەری یاسا دانا. دەشڵێت "پێویستە بە زووترین کات واز لە کەمتەرخەمی چارەسەرکردنی شەڕە سیاسییەکان لە ڕێگەی دەسەڵاتی دادوەرییەوە بهێنرێت".

 

باکگراوند: جەهەپە پارتێکی ئۆپۆزسیۆنە لە تورکیا، بەم دواییانە گرژییەکانی لەگەڵ دەسەڵات زیاتر بووە، بە تایبەت دوای دەستگیرکردنی ئەکرەم ئیمامئۆغلو، سەرۆک شارەوانی ئیستەنبووڵ و 100 ئەندامی دیکەی جەهەپە لەو شارە.