لیژنەی ئەمنیی هەڵبژاردنەکانی عێراق یەکەمین کۆبوونەوەی خۆی سازدەکات

ئاڤا نیوز

 

لیژنەی باڵای ئەمنیی تایبەت بە هەڵبژاردنی پەرلەمانی عێراق یەکەمین کۆبوونەوەی خۆی سازکرد و تیایدا جەخت لە ئامادەکارییەکان بۆ سەرخستنی هەڵبژاردن لە وادەی دیاریکراوی خۆیدا کرایەوە.

 

وێنە گەورەکە: بڕیارە 11-11-2025، هەڵبژاردنی خولی شەشەمی ئەنجوومەنی نوێنەرانی عێراق بکرێت، کۆمیسیۆنی باڵای سەربەخۆی هەڵبژاردنەکانیش بەردەوامە لە ڕێککارەکان بۆ سەرخستنی پرۆسەکە بەپێی پێوەرە نێودەوڵەتییەکان. 

 

ڕاگەیێنراوی فەرمی: کۆمیسیۆنی هەڵبژاردنەکانی عێراق بڵاویکردەوە، بەسەرۆکایەتیی فەریق قەیس خەڵەف ڕەحیمە، جێگری فەرماندەی ئۆپەراسیۆنە هاوبەشەکان، لیژنەی باڵای ئەمنیی تایبەت بە هەڵبژاردنی پەرلەمانی عێراق یەکەمین کۆبوونەوەی خۆی ئەنجامدا.
  
ئەوەشی خستووەتەڕوو، لە کۆبوونەوەکەدا پلانی ئەمنی تایبەت بە هەڵبژاردن و دیارترین هەڵەکانی پێشوو تاوتوێ کراون، جەختیش لە هەماهەنگیی پتەوی نێوان هێزە ئەمنییەکان و کۆمیسیۆنی هەڵبژاردنەکان کراوەتەوە.