عێراق لە پلەی پێنجەمی هەرزانترین وڵاتانی عەرەبیدایە لە ڕووی بژێوییەوە

ئاڤا نیوز

عێراق لە پلەی پێنجەمی هەرزانترین وڵاتان دێت لە ڕووی بژێوییەوە بۆ ساڵی 2025، بەپێی ماڵپەڕێکی تایبەت بە ئاستی بژێویی وڵاتانی جیهان.

زانیاریی بەدەستهاتوو: ماڵپەڕی "نومبیۆ" (Numbeo) لە ئامارێکدا باسی لەوە کردووە کە "عێراق لە پلەی پێنجەمی هەرزانترین وڵاتانی عەرەبیدایە لە ئاستی بژێویدا، لە ڕووی پێداویستیی ڕۆژانە، چێشتخانەکان، کرێ و هێزی کڕینی ناوخۆییەوە".

زانیاریی زیاتر: بەپێی ماڵپەڕەکە "لیبیا لە پلەی یەکەمی هەرزانترین وڵاتانی عەرەبیدایە لە ڕووی بژێوییەوە، دوای ئەو میسر دێت لە پلەی دووەم، سووریا لە پلەی سێیەم، جەزائیر لە پلەی چوارەم، عێراق لە پلەی پێنجەم، توونس لە پلەی شەشەم، مەغریب لە پلەی حەوتەم و ئوردن لە پلەی هەشتەمدا دێن".

"گرانترین وڵاتانی عەرەبیش لە ڕووی بژێوییەوە بۆ ساڵی 2025، ئیمارات بووە، و دوای ئەو یەمەن، پاشان قەتەر و بەحرەین دێن".