ئیسرائیل باڵەخانەی پێنج قوتابخانەی "پڕ لە ئاوارە" لە غەززە بۆردوومان دەکات

ئاڤا نیوز

سوپای ئیسرائیل لە کەرتی غەززە پێنج قوتابخانە کە ئاوارەکانی کەرتەکە بەهۆی جەنگەوە پەنایان بۆ بردووە و تێیدا دەژین، بۆردوومان کرد.

وێنە گەورەکە: نزیکەی سێ ساڵە جەنگ لە نێوان فەلەستینییەکان و ئیسرائیل لە کەرتی غەززە دەستی پێکردووە، سەرەڕای ئاگربەستی کاتی، بەڵام تاوەکو ئێستا جەنگەکە كۆتایی نەهاتووە و ڕۆژانە دەیان هاووڵاتیی غەززە بە هێرشە ئاسمانی و زەمینییەکانی سوپای ئیسرائیل دەکوژرێن.

ڕاگەیێنراوی فەرمی: ڕۆژی چوارشەممە، نووسینگەی نەتەوەیەکگرتووەکان لە غەززە ڕایگەیاند: لە ماوەی 48 کاتژمێری ڕابردوودا پێنج قوتابخانە کە ئاوارەیان تێدایە لە باکووری غەززە لەلایەن ئیسرائیلەوە بۆردومان کراون.

لەلایەکی دیکەوە: ئاژانسی فریاگوزاریی و كارپێكردنی ئاوارەكانی فەلەستین (ئۆنروا) ڕایگەیاند: برسێتی وەک چەک لە غەززە لەلایەن ئیسرائیلەوە بەکاردەهێنرێت، بەهۆی کەمی خواردن و ئاوی خواردنەوەی پێویست، خەڵکێکی زۆر لە شەقامەکان لەهۆش خۆیان دەچن و ڕێکخراوەکە جەختی کردەوە "پێویستە بەپەلە یارمەتییەکان بە شێوەیەکی سەلامەت بۆ غەززە لەژێر چاودێری نەتەوەیەکگرتووەکاندا بنێردرێت".

گۆشەیەکی دیکەی دیمەنەکە: مەڕوان هومس، بەرپرسی نەخۆشخانە مەیدانییەکان لە وەزارەتی تەندروستی لە غەززە ڕایگەیاند؛  زۆربەی ئەو بریندارانەی کە دەگەنە نەخۆشخانەکان کە لەلایەن ئسیرائیلەوە دەکرێنە ئامانج بەشی سەرەوەی لەشیان پێکراوە، زۆر حاڵەتی هەوکردنی پەردەی مێشک لەنێو منداڵاندا تۆمارکراوە و لە کەرتەکە بڵاوبووەتەوە.