بڕیاری دەستگیرکردن بۆ ئەحمەدی حاجی ڕەشید دەرچوو

ئاڤا نیوز

ئەحمەدی حاجی ڕەشید، ئەندامی پێشووی پەرلەمانی عێراق لەسەر لیستی کۆمەڵی دادگەریی کوردستان بە تۆمەتی هەڵبەستن و مامەڵەکردن دژی ئاسایشی نیشتمانی، بڕیاری ده‌ستگیركردنی بۆ ده‌رچوو.

وێنە گەورەکە: دادگای لێکۆڵینەوەی هەولێر فەرمانی دەستگیرکردنی بۆ ئەحمەد حاجی ڕەشید، ئەندامی پێشووی پەرلەمانی عێراق و ئه‌ندامی مه‌كته‌بی سیاسی كۆمه‌ڵی دادگەری کوردستان دەرکرد، بە تۆمەتی هەڵبەستن و مامەڵەکردن دژی ئاسایشی نیشتمانی.

نووسراوی فەرمی: ئه‌مڕۆ پێنجشه‌ممه‌، دادگای لێكۆڵینه‌وه‌ی هه‌ولێر، سه‌رجه‌م هێزه‌ ئه‌منییه‌كان و لایه‌نی په‌یوه‌ندیدار ئاگادار کردەوە، "له‌هه‌ر شوێنێك ئه‌حمه‌د حاجی ڕه‌شید، ئه‌ندامی مه‌كته‌بی سیاسی كۆمه‌ڵی دادگه‌ریتان بینی ده‌ستگیری بكه‌ن، چونكه‌ له‌ دادگا سكاڵای له‌سه‌ر تۆمار كراوه‌ و فه‌رمانی ده‌ستگیركردنی بۆ ده‌رچووه‌".

لەلایەکی دیکەوە: دوای ده‌رچوونی ئه‌م بڕیاره‌، ئه‌حمه‌دی حاجی ڕه‌شید له‌ ئه‌كاونتی فه‌رمی خۆی بڵاویكرده‌وه‌، "کەناڵی عەهد لێدوانیکی منیان بەشێواوی بڵاوکردووەتەوە، دوای قسەکردن لەگەڵ کەناڵی ناوبراو و ئاگادارکردنەوەیان، سکاڵای یاساییان لەسەر تۆمار دەکەم"، هەر بۆیە داوای لێبووردنیان کردووه‌، دوو سەرنووسەری کەناڵەکەیان لەکار دورخستووەتەوە و سەرجەم هەواڵەکەشیان لەته‌واوی گرووپی تیلیگرام و سۆشیال میدیاكانیان سڕییەوە.

 

وێنەی نووسراوەکە: