ڕێگەی سەرەكیی سلێمانی - عەربەت نۆژەن دەكرێتەوە

ئاڤا نیوز

شارەوانیی سلێمانی شۆفێران ئاگادار دەكاتەوە لەوەی، سەرەتای هەفتەی داهاتوو بەشێكی ڕێگەی سەرەكیی سلێمانی - عەربەت نۆژەن دەكرێتەوە و ڕێگەی جێگرەوە بەكاربهێنن.

وێنە گەورەكە: لە درێژەی كارو پرۆژەكانی سەرۆكایەتیی شارەوانیی سلێمانی بۆ ڕێكخستنی ڕێگاوبانەكانی سنووری پارێزگاكە، پرۆژەی ڕێكخستنەوەی شەقامەكان دەستیپێكردووە و لەو چوارچێوەیەشدا ڕێگەی سلێمانی-عەربەت نۆژەن دەكرێتەوە.

ڕاگەیێنراوی فەرمی: سەرۆكایەتیی شارەوانیی سلێمانی لە ئاگادارینامەیەكدا كە ئەمڕۆ پێنجشەممە 3-7-2025 بڵاویكردووەتەوە، ڕایدەگەیەنێت، بەمەبەستی كاركردن و نۆژەنكردنەوەی شەقامی سەرەكیی سلێمانی - عەربەت، تیمەكانی شارەوانی لەڕۆژی شەممە 5-7-2025، هەڵدەستن بەكاری كڕاندن و ڕاستكردنی ڕووی شەقامەكە لە یەكتربڕی فلكەی قەرەداغەوە تا بازگەی عەربەت-سلێمانی، دواتریش قیرتاوكردنی.

ئەوەی پێویستە بیزانیت: شارەوانی سلێمانی داوای لە شۆفێران كردووە، تا تەواوبوونی كاری نۆژەنكردنەوەكە، ئەو شەقامانەی وەك جێگرەوە دیاریدەكرێن، بەكاربهێنن.