ئەمریکا بۆ ئاڤا: لە هێرشەکەی هەولێر هیچ زیانێکمان پێنەگەیشتووە

ئاڤا نیوز

شەوی پێنجشەممە لە نزیک فڕۆکەخانەی نێودەوڵەتیی هەولێر، درۆنێکی بۆمبڕێژکراو خرایە خوارەوە و فەرماندەیی ناوەندی ئەمریکا (سێنتکۆم) بە ئاڤای وت، سەرجەم کارمەندانی ئەمریکی سەلامەتن و هیچ کەسێک بریندار نەبووە.

چیرۆکی سەرەکی: ماوەیەکە هێرشی درۆنی دەکرێتە سەر بەشێک لە ناوچەکانی عێراق و هەرێمی کوردستان، تا ئێستاش لایەنی هێرشکار ئاشکرا نەکراوە.

لێدوانی فەرمی: فەرماندەیی ناوەندی ئەمریکا (سێنتکۆم) بە ئاڤا میدیای ڕاگەیاند، شەوی پێنجشەممە، لە دەرەوەی بنکەیەکی ئاسمانی لە شاری هەولێر بەهۆی فڕۆکەیەکی بێفڕۆکەوانەوە تەقینەوەیەک ڕوویدا.

زانیاریی زیاتر: سێنتکۆم ئەوەشی بۆ ئاڤا ئاشکراکرد، سەرجەم کارمەندانی ئەمریکی سەلامەتن و هیچ کەسێک بریندار نەبووە، هەروەها هیچ زیانێک بەر بنکە سەربازییەکە یان کەلوپەلەکانی ناو بنکەکەکە نەگەیشتووە.

"لێکۆڵینەوە لە ڕووداوەکە بەردەوامە و لەئێستادا ناتوانین زانیاری زیاتر لەسەر ڕووداوەکە بخەینەڕوو".