هەواڵی بوونی درۆن لە ئاسمانی سلێمانی ڕەت دەکرێتەوە

ئاڤا نیوز

دوای بیستنی دەنگی تەقەیەکی زۆر لە سلێمانی، گومان دەکرێت درۆن بێت، بەڵام وتەبێژی فەرماندەی هێزەکانی 70 دەڵێت، ڕەوشەکە ئاساییە.

چیرۆکی سەرەکی: ئەمشەو دەنگی تەقەیەکی زۆر لە نزیک لە فەرماندەی هێزەکانی 70 لە سلێمانی بیسترا، گومانی بوونی درۆن هەبوو، بەڵام هەر زوو ڕەت کرایەوە کە درۆن بوو بێت، بەڵکو تەنیا یاری ئاگرین و تەقەکردن بووە بۆ مەشق.

لێدوانی فەرمی: لیوا ئەحمەد لەتیف، وتەبێژی هێزەکانی 70  بە ئاڤای وت، "بارودۆخ ئاساییە هیچ درۆنێک لە ئاسمانی فەرماندەی نیە دەکرێت بۆ مەشق تەقە کرابێت".

لەلایەکی دیکەوە: سەرچاوەیەک لە کۆماندۆی سلێمانی بە ئاڤای وت، هیچ درۆنێک لەسەر ئاسمانی سلێمانی نیە، تەنیا یاری ئاگرین و تەقەکردن بووە بۆ مەشق.