هاتووچۆی سلێمانی: ڕێگە بە ماتۆرسکیلی چوار تایە نادەین لە شەقامەکان هاتووچۆ بکات

ئاڤا نیوز

بەڕێوەبەرایەتیی هاتووچۆی سلێمانی مەرجەکانی تۆمارکردنی ماتۆرسکیل لە سلێمانی بڵاودەکاتەوە و دەڵێت: ڕێگە نادەین ماتۆرسکیلی چوار تایە لە شەقامەکان هاتووچۆ بکات.

چیرۆکی سەرەکی: ئەمڕۆ شەممە 5-7-2025، بەڕێوەبەرایەتیی هاتووچۆی سلێمانی مەرجەکانی تۆمارکردنی ماتۆرسکیلی دوو تایە و چوار تایە لە بەڕێوەبەرایەتییەکە بڵاودەکاتەوە.

بڵاوکراوەی فەرمی: بەڕێوەبەرایەتیی هاتووچۆی سلێمانی ڕایگەیاند: مەرجە ماتۆرسکیلەکان بەشێوەیەكی فەرمی لەڕێگەی دەروازە سنوورییەكانەوە هاوردە کرابن و قەبارەی لە (CC135) كەمتر نەبێت.

- لە جۆرەكانی دوو تایە بێت، لە پشكنینی كوالێتی كۆنترۆڵی خاڵە سنوورییەكان پەسەند كرابێت و مەنەفێستی لەگەڵ بێت، مۆدێلی ساڵ (سفر کیلۆمەتر) و دوو مۆدێل كەمتر لە مۆدێلی ساڵ بێت.

- دوای ئامادەكردنی بەڵگەنامەكان و گرێبەستی ئەلیكترۆنی لە یەكێك لە تاقیگەكان پشكنینی بەڕادی بۆ دەكرێت، دواتر لەلای عەریزەنووسەكان عەریزەی تۆماركردنی ماتۆڕسكیلەكەی دەنووسێت، هەر لەهەمان شوێن كارمەندی بەشی ئایتی مەنەفێستەكە پەسەند دەكات و دواتر كارمەندی بەشی یاسا گرێبەستی ئەلیكترۆنی پەسەند دەكات.

دواتر سەردانی بەشی هونەری هۆبەی (تۆماری یەكەم جار) دەكات، دوای ئەنجامدانی ڕێكارەكان، وردبینی بۆ مامەڵەكەی دەكرێت و دوای ئەوەی لە مامەڵەكەی هیچ كێشەیەك نەبوو، ئەوا سەردانی هۆبەی تابلۆكان دەكات و تابلۆی ژمارە كاتییەكانی لێ‌ وەردەگیرێت، تابلۆی نوێ‌ وەردەگرێت و هەر لە هۆبەی تۆماری یەكەم جار ساڵانەكەی وەردەگرێتەوە.

ئەوەی پێویستە بیزانیت: ماتۆرسكیلی چوار تایە (پۆلارایسOFF ROAD) بە ژمارەی كشتوكاڵی تۆمار دەكرێت، بە مەرجێك بەپێی ڕێنماییەكان هاوردە كرابێت و ڕێگە نادرێت لەسەر شەقامەكان هاتووچۆ بكەن