هاتووچۆی هەولێر لەبارەی سووڕانەوەی بارهەڵگران لە دوو شەقامی شارەکە ڕوونکردنەوە دەدات

ئاڤا نیوز

هاتووچۆی هەولێر لەبارەی سووڕانەوەی بارهەڵگران لە دوو شەقامی شارەکە ڕوونکردنەوە دەدات و ڕایدەگەیێنێت: دەتوانن لەکاتی سووڕانەوە هێڵە سپییەکانی شەقام تێپەڕێنن.

چیرۆکی سەرەکی: هاتووچۆی هەولێر ڕوونکردنەوەی لەبارەی سووڕانەوەی بارهەڵگران لە شەقامی 40 مەتریی نزیک شاری خەونەکان و سوڕانەوەی شەقامی 100 مەتریی نزیک مزگەوتی جەودەت ئەسعەدی دەدات.

لێدوانی فەرمی: عەقید هێمن حەمەد، وتەبێژی بەڕێوەبەرایەتیی هاتووچۆی هەولێر ڕایگەیاند: ئەو کامێرایانە چاودێریی سووڕانەوەی تەندروست دەکەن، واتە ئۆتۆمبێلەکان بڕۆنە دەرەوەی هێڵە سپییەکە ئەوا بە سەرپێچی بۆیان هەژمار دەکات و تووشی سزای پێ بژاردن دەبنەوە، بەڵام بارهەڵگرەکان سزا نادرێن و دەتوانن هێڵە سپییەکانی شەقامەکە تێپەڕێنن. 

ئەوەی پێویستە بیزانیت: عەقید هێمن حەمەد دەڵێت: شۆفێری بارهەڵگرەکان گلەییان کرووە و گوتوویانە لەو سوڕانەوەیە بارهەڵگرەکانمان سزا دەدرێن، بەڵام ئەو هەواڵە دوورە لە ڕاستییەوە و دەتوانن هێڵە سپییەکان بۆ سووڕانەوەیەکی تەندروست تێپەڕێنن، بەبێ ئەوەی کامێراکانی چاودێریی بە سەرپێچی بۆیان هەژمار بکەن.