وەزیری دەرەوەی فەرەنسا گەیشتە هەولێر

ئاڤا نیوز

وەزیری دەرەوەی فەرەنسا گەیشتە هەولێر و دوای کۆبوونەوەی لەگەڵ نێچیرڤان بارزانی، سەرۆکی هەرێمی کوردستان، بڕیارە سبەی هەینی لەگەڵ سەرۆک بارزانی و مەزڵووم عەبدی کۆببێتەوە. 

ئەوەی ئێستا ڕوودەدات: جان نۆێڵ بارۆ، وەزیری دەرەوەی فەرەنسا بۆ تاوتوێکردنی ئایندەی ڕۆژئاوای کوردستان و جێبەجێکردنی ڕێککەوتنە ئەمنییەکان گەیشتە هەولێر. 

چیرۆکی سەرەکی: ئەمڕۆ پێنجشەممە 5-2-2026، مەزڵووم عەبدی، فەرماندەی گشتیی هەسەدە گەیشتە هەولێر و کاتژمێر 8:00ـی ئەمشەویش جان نۆێڵ بارۆ، وەزیری دەرەوەی فەرەنسا گەیشتە شارەکە و لەلایەن نێچیرڤان بارزانی، سەرۆکی هەرێمی کوردستان پێشوازی لێ دەکرێت.

زانیاریی زیاتر: بڕیارە سبەی هەینی، وەزیری دەرەوەی فەرەنسا لەگەڵ سەرۆک مەسعود بارزانی و مەزڵووم عەبدی کۆببێتەوە بۆ تاوتوێکردنی ئایندەی ڕۆژئاوای کوردستان و جێبەجێکردنی ڕێککەوتنامەی نێوان عەبدی و ئەحمەد شەرع، کە ئیمانوێل ماکرۆن بەڵێنی داوە ببێتە گەرەنتیکاری.