سەرۆکی هەرێمی کوردستان و وەزیری دەرەوەی فەرەنسا پرسی ڕۆژئاوای کوردستان تاوتوێ دەکەن

ئاڤا نیوز

نێچیرڤان بارزانی، سەرۆکی هەرێمی کوردستان دوای کۆبوونەوەی لەگەڵ وەزیری دەرەوەی فەرەنسا ڕایگەیاند، باسمان لە برەودان بە پەیوەندییەکانی ئێستا و داهاتوو کرد، هاوکات سەبارەت بە دۆخی سووریا تێگەیشتنی هاوبەشمان لەگەڵ فەرەنسا هەیە و پاڵپشتی لە ڕێککەوتنی نێوان دیمەشق و هەسەدە دەکەین.

چیرۆکی سەرەکی: ئێوارەی ئەمڕۆ ژان نوێل بارۆ، وەزیری دەرەوەی فەرەنسا دوای کۆبوونەوەی لەگەڵ محەممەد شیاع سوودانی، سەرۆکوەزیرانی عێراق و فوئاد حوسێن، وەزیری دەرەوەی عێراق بەرەو شاری هەولێر گەیشتە شاری هەولێر و یەکەم کۆبوونەوەی لەگەڵ نێچیرڤان بارزانی، سەرۆکی هەرێمی کوردستان ئەنجامدا. 

لێدوانی فەرمی: نێچیرڤان بارزانی، سەرۆکی هەرێمی کوردستان لە کۆنگرەی ڕۆژنامەوانی هاوبەشدا لەگەڵ ژان نوێل بارۆ، وەزیری دەرەوەی فەرەنسا  ڕایگەیاند: خەڵکی کوردستان خەمخۆری سەرۆک ماکرۆن بۆ کورد لەبیر ناکات.

لە بەشێکی دیکەی قسەکانیدا سەرۆکی هەرێمی کوردستان گوتی: سەبارەت بە دۆخی سووریا تێگەیشتنی هاوبەشمان لەگەڵ فەرەنسا هەیە، پاڵپشتی لە ڕێککەوتنی نێوان هەسەدە و حکومەتی سووریا دەکەین.

لەلایەکی دیکەوە: ژان نوێل بارۆ، وەزیری دەرەوەی فەرەنسا هەر لە کۆنفرانسە ڕۆژنامەوانییەکەدا گوتی: هەوڵ دەدەین مافی کورد لە سووریا بپارێزین.

وەزیری دەرەوەی فەرەنسا لە بەشێکی دیکەی قسەکانیدا گوتی: دەمانەوێت کورد لە سووریا بەشدارییەکی کارای لە حکومەتی ئەو وڵاتە بکەن، هاوکات فەرەنسا پابەندە بە پاراستنی سەقامگیری هەرێمی کوردستان.

٠ سوپاس بۆ دۆستە کوردەکانمان بەو متمانەیەی بە ئێمەیان هەیە

٠ سوپاسی حکومەتی هەرێمی کوردستان دەکەین، پارچەیەک زەوییان بۆ دروستکردنی کونسوڵخانەی نوێی فەرەنسا تەرخانکرد.

 

نوێ دەکرێتەوە..