پرۆسەی گواستنەوە و دابەزینی قوتابیانی زانكۆ دەستپێدەكات

ئاڤا نیوز

پرۆسەی گواستنەوە لە زانكۆیەك بۆ زانكۆیەكی دیكە، یاخود دابەزین لە كۆلێژێك بۆ كۆلێژێكی خوارتر دەستپێدەكات، قوتابیانی زانكۆ دەتوانن لە 15ـی ئەم مانگە بە ئۆنلاین داواكارییەكانیان پێشكەش بكەن.

وێنە گەورەکە: ساڵانە بەر لە دەستپێكی وەرزی نوێی خوێندن، پرۆژەی گواستنەوە و دابەزاندنی قوتابیان لە زانكۆیەكەوە بۆ زانكۆیەكی دیكە دەكرێتەوە، بۆ ئەو قوتابیانەی مەبەستیانە زانكۆكەیان لە هەمان كۆلێژ و بەشی خۆیان بگۆڕن، یاخود دابەزین بۆ كۆلێژی دیكەی خوار ئەو كۆلێژەی ئێستا لێی دەخوێنن بكەن.

ڕاگەیێنراوی فەرمی: وەزارەتى خوێندنى باڵا و توێژینەوەى زانستى لە ڕاگەیێنراوێک ڕایدەگەیەنێت، پرۆسەى گواستنەوە و دابەزاندن (تەنازول)ـی قوتابیان بۆ ساڵى نوێى خوێنـدنى (2025-2026) بەشێوەى ئەلیکترۆنى لە 2025-07-15 دەستپێدەكات.

زانیاریی زیاتر: وەزارەتى خوێندنى باڵا لە چەند رۆژى داهاتوودا، مەرج و پێوەرەکانى گواستنەوە یاخود دابەزین بۆ قوتابیان و خوێندکارانى زانکۆکانى کوردستان بڵاودەكاتەوە.